Twee Laerskool Krugersdorp-Noord-leerders het die skool se naam hoog gehou met hul deelname aan provinsiale landloopkompetisies.

Omolemo Molebatsane (o14) en Emily Erasmus (o7) is by die Gauteng-Wes-landloopspan ingesluit, en volgens die skool se woordvoerder, Quintin Botha, het die leerders op 12 September aan die Gautengkampioenskap deelgeneem.

Alhoewel hul nie deurgedring het na die Gauteng-span nie, vertel Quintin dat die skool ongelooflik trots is.

Hy sluit af dat Emily negende geplaas het, en Omolemo, 47ste.