Die Krugersdorpse Landdroshof het vandag 20 November gehoor hoe psigiater Marthina Büchner getuig dat Thomas Ferreira vir die res van sy lewe spesiale sorg gaan nodig hê.
Meer as drie jaar het verloop sedert Mindalore-inwoner en Bastion-oudleerling Thomas Ferreira in 2011 deur blouligbestuurder Joseph Motsamai Semitjie van sy motorfiets afgestamp is en ernstige beserings opgedoen het.
Büchner het verder getuig dat Ferreira se breinbesering reeds verskeie veranderinge in sy persoonlikheid, sy gemoedstoestand en sosiale lewe teweeggebring het. Hy kry ook woede-uitbarstings en sukkel om te konsentreer.
Sy het bygevoeg dat Ferreira heel waarskynlik die res van sy lewe op medikasie gaan wees en dat hy ook gereeld ‘n psigiater sal moet spreek om sy familie te help om sy gedrag te stabiliseer.
Die saak duur voort.
Verwante artikel:
