Môreglans se dubbelle bederf op Mandela-dag
Polisie het skoon gemaak terwyl ander kos aangedra het op Mandeladag by 'n plaaslike tehuis.
Die inwoners van die Môreglans Tehuis het ‘n dubbele bederf op Mandela-dag ontvang.
Saam met die vetkoek-en-maalvleis, koffie en koekies waaraan hulle heerlik gesmul het, het hulle ook ‘n spesiale besoek van die polisie ontvang.
Die personeel van Retire Rich and Happy het by die tehuis ‘n draai gaan maak waar hulle hul 67 minute vir Mandela-dag spandeer het.
“Die inwoners het dit vreeslik geniet en ons almal het lekker gesels en gelag. Die span het dit so geniet, ons sal dit beslis weer baie gou doen,” het Antoinette Lassen aan die News gesê.
Later die middag het lede van die polisie ook ‘n spesiale besoek by die tehuis afgelê.
Die lede het besluit om die tehuis te bederf deur hul wasgoed te was, skoon te maak en kos te bedien.
“Die lede het dit geniet om tyd saam met die bejaardes deur te bring en na elkeen se lewensverhaal te luister. Hulle het besef dat ons na ons bejaardes moet omsien en meer gereeld daar moet gaan kuier,” het Krugersdorp Polisie se mediaskakel, sersant Tshepiso Mashale gesê.
Soortegelyke artikels:
• Dubbele Kersfees bederf vir Môreglans
• Môreglans doen dit sommer self
• Mandela Day spirit in Munsieville
