Sektor 5 se nuwe bestuur beloof groot omswaai van taak
Die tussentydse komitee sal in beheer wees tot en met April 2019.
Die Sektor 5 Gemeenskapspolisiëringsforum van Krugersdorp het die afgelope twee maande deur ‘n moeilike tyd gegaan.
Sektor 5 bestaan uit Burgershoop, Krugersdorp-Wes, Boltonia, Oatlands, Delporton en West Village.
As gevolg van ongerymdhede met die sektor se bestuur het meeste van die bestaande komiteelede bedank. Die Krugersdorpse uitvoerende komitee het ingegryp en ‘n tussentydse sektor 5 komitee aangestel.
Coen Espach is aangestel in die oorhoofse posisie aangesien hy vir die afgelope agt jaar die voorsitter van die sektor was.
Die komitee wil aan al hulle lede sowel as die publiek beklemtoom dat hulle alles in hulle vermoë sal doen om die beste diens te lewer en die naam van die sektor hoog te hou.
Die tussentydse komitee sal in beheer wees tot en met April 2019 wanneer daar ‘n algemene jaarvergadering gehou sal word en ‘n nuwe komitee verkies sal word. Sektor 5 het ‘n WhatsApp-groep en indien jy in die sektor bly, is jy welkom om jou nommer, naam en adres na 072 782 9354 te SMS. Hul Facebook-blad sal ook binnekort beskikbaar wees.
Die tussentydse komitee is soos volg: voorsitter, Morne du Plessis; onder-voorsitter, Martin Geyser; seketaris, Naomi Sutherland; onder-sekretaris Martie Gouws; openbare betrekkinge beampte, Susan de Beer; tesourier, Louise Els, en Coen Espach as voorsitter.
Do you perhaps have more information pertaining to this story? Email us at krugersdorpnews@caxton.co.za (remember to include your contact details) or phone us on 011 955 1130.
For free daily local news on the West Rand, also visit our sister newspaper websites
Remember to visit our Facebook, Twitter and Instagram pages to let your voice be heard!
