Voedingskema bring broodnodige hulp aan behoeftige Burgershoop-inwoners
Die Burgershoop-voedingskema gee elke dag vir honderde behoeftiges in die gemeenskap kos.
Die Burgershoop-voedingskema het onlangs die dag vir hul gemeenskap baie spesiaal gemaak.
Op Nasionale Vrouedag, 9 Augustus kon die gemeenskap vanaf 2nm by die sopkombuis ‘n draai maak, waar daar kospakkies en klere uitgedeel is aan dié wat dit nodig het.
Die kinders het elkeen ‘n pakkie lekkers gekry en kon hul gesigte laat verf.
Miss Petite Krugersdorp-finalis, Azalea Hood het ook by die sopkombuis aangesluit en het gesigte geverf en Vrouedag-geskenkies uitgedeel.
Piet Bekker, die hoof van die voedingskema het opgewonde vertel dat almal ‘n baie lekker dag gehad het en dat dit ‘n reuse sukses was.
Die Burgershoop-voedingskema gee elke dag vir honderde behoeftiges in die gemeenskap kos. Indien jy hulle wil help, kontak gerus vir Piet by 062 806 8039.
