Hoewel minder insidente die afgelope naweek in Mogale City aangemeld is, waarsku Johan Kogh, hoofbestuurder van EPR Sekuriteit aan die Wes-Rand dat dit nie beteken dat die insidente wat wel aangemeld is, nie ernstig is nie.

Hy het dit gesê nadat die sekuriteitsmaatskappy hul misdaadsyfers vir die afgelope naweek vrygestel het.

Al is net een voorval op Vrydag, 2 Oktober, by die sekuriteitmaatskappy aangemeld toe ‘n brood in Krugersdorp-Noord gesteel is, was hulle Sondag redelik besig toe vier voorvalle aangemeld is.

Die span het onder andere op ‘n insident in Azaadville gereageer waar iemand ‘n besigheidsperseel betree het.

In Tarlton is ‘n besigheid beroof en die rowers is weg in ‘n blou Suzuki Swift met gesteelde kontant, sigarette en selfone.

In Kenmare en Chancliff onderskeidelik is daar items uit ‘n huis en ‘n hekmotor gesteel.

Gewapende rooftogte en hekmotordiefstal neem steeds toe in die area,” het Krogh verder gewaarsku.