Redenaars is ‘n gulde geleentheid om leerders van ‘n jong ouderdom af te leer hoe om ‘n geldige argument te formuleer en dit logies aan ander voor te dra.
Laerskool Krugersdorp-Noord plaas groot klem op hul jaarlikse interne redenaarskompetisie waar enige leerder van Graad 1 tot 7 hul raakpraat-vaardighede ten toon kan stel.
Op Woensdag, 22 September het die jongklomp streng volgens die ATKV-redenaarskriteria teen mekaar in Engels gekompeteer. Daar is van die leerders verwag om beredeneerde toesprake met drie duidelike standpunte met toepaslikke bronne voor te dra. Deelnemers is ook geasseseer vir hul kreatiwiteit, houding, voorkoms, oogkontak en notahantering.
Die Graad 4 tot 7-groepe het verskeie temas gehad, naamlik Woorde, Tyd, Skool, Die Buiteruimte, Die Aarde, Nuus, Vrees en Vertroue.
Die algehele wenners is as volg:
Natha Slingerland (Graad 1), Thereze van Heerden (Graad 2), Mia Janse van Vuuren (Graad 3), Danielle Cronje (Graad 4), Chanté van den Berg (Graad 5), Caylee Jonker (Graad 6) en Adia Coetzer (Graad 7).
