Die redakteur van een van die News se susterkoerante het onlangs ‘n aantal die diere wat hulp kort se lewens ‘n bietjie beter gemaak deur vir hulle kos te neem.

Roodepoort Record– en Roodepoort Northsider-redakteur Adele Bloem het die donasies wat sy tydens haar verjaarsdagmaand in Februarie ingesamel het op Saterdag, 5 Maart by die Roodepoort/ Krugersdorp DBV in Florida gaan aflaai.

Dit is dalk nie baie nie en mense mag dalk dink dit maak nie ‘n verskil nie, maar elke bietjie help,” het Adele vertel.

Sy het die volgende aanhaling van oudpresident Ronald Reagan gebruik: “We can’t help everyone, but everyone can help someone”.

Roodepoort/Krugersdorp DBV-bestuurder Mandy Cattanach het vertel dat dit verstommend is dat daar lede van die publiek is wat heel eerste aan al die mishandelde, verdwaalde, verlate en ongewenste diere dink.