Die somber weer kon nie die talle gholfspelers keer om bymekaar te kom om Laerskool Randfontein te ondersteun tydens hul jaarlikse gholfdag nie.

Vroeg op Donderdag, 17 Maart het spelers by die Krugersdorp gholfbaan arriveer om die dag saam met die skool te geniet en ‘n geselige ronde van gholf te speel.

RAM se gholfdag was vol pret gewees, met elke speler gefokus op die spel en almal het altyd een hou beter probeer slaan as hul spanmaat.

Organiseerder van die gholfdag, Steve Greyvenstein het vertel dat die dag ‘n reuse sukses was en dat dit elke jaar ‘n reuse sukses is as gevolg van hul borge en die gemeenskap wat so vrywillig is om elke jaar te help.

Die gholfdag is ten bate van die skool, elke jaar se gholfdag fondse word aangewend vir ons kinders en vir die gemeenskap en ons gebruik dit soos ons goed dink”.

Hy het verduidelik dat hierdie jaar se gholfdag fondse gebruik gaan word vir ‘n nuwe krieket turfblad op die skool se A-veld wat hul wil insit.

Laerskool Randfontein wil ook dankie sê aan hul borge wat die dag moontlik gemaak het: Nate’s Restaurant, EPR, Trifonics, Noble Properties, NWK Retail, Jawitz Properties, Ben Morgenrood Group en Hoërskool Riebeeckrand.