Diefstal weer bo aan EPR se misdaadlys; Monument loop meeste deur
EPR Sekuriteit se jongste misdaadverslag toon dat daar 17 voorvalle by die maatskappy aangemeld is in die tydperk van 28 November tot 4 Desember.
EPR Sekuriteit se jongste misdaadverslag dui aan dat hulle in ses dae op 17 insidente moes reageer in Mogale City.
Uit dié 17 insidente was ses vir diefstal – iets wat nog die hele jaar bo aan die maatskappy se misdaadlysie lê.
Lees ook: Damage to property, break-in dominate EPR’s latest crime report of 28 incidents
Die verslag wat strek tussen 28 November en 4 Desember wys ook dat hulle op drie inbrake, een veediefstal, een poging tot moord, een roof- en een gesinsgeweld-insident gereageer het. Die ander insidente was vir ‘n oop deur, ‘n mediese voorval en gevonde eiendom.
Lees ook: Huisbraak, diefstal bly ‘n probleem wys EPR syfers
Monument het drie voorvalle gehad terwyl Vlakplaas, Silverfields, Noordheuwel, die Krugersdorp-middestad en Krugersdorp-Noord elk twee voorvalle gehad het.
Een van hul reaksie-offisiere, Jansen nan Vuuren het op 30 November ‘n verdagte gearresteer vir inbraak by ‘n besigheidsperseel in Adcockstraat, Chamdor. Die verdagte is aan die polisie oorhandig.
