Die Krugersdorpse Raad vir Bejaardesorg (KCCA) het bejaardes met die oog op Vrouedag bederf.
Volgens bestuurder van die KCCA, Kobus Garbers, was die doel van die dag om die bejaardes met ‘n ete, drankies en ‘n dans te bederf. Hy vertel verder dat die dag deur Leonie Posthumus gereël is.
Leonie vertel dat hulle die dag vir die bejaarde vroue spesiaal wou maak deur vir hulle rose te gee terwyl hulle op ‘n rooi tapyt stap.
Die Krugersdorp News het die geleentheid bygewoon waar die bejaardes die dag vreeslik geniet en lekker gekuier het. Daar was ook ‘n musiekuitvoering en saamsing.
