Ondersteun só 9th Day se diere hierdie naweek

Kiara Joubert, fondsinsamelingskomitee-organiseerder van die 9th DayAnimal Rescue Centre wil die gemeenskap aanmoedig om op Sondag, 27 Oktober by hul stalletjie by Cowboy Town in West Village aan te doen waar hulle fondse vir die diere sal insamel en ook mense oor diereredding sal inlig.

“Ons is ’n skuiling waar ons nie die diere doodmaak nie en wil ook mense aanmoedig om diere aan te neem, eerder as om hulle te koop,” het sy gesê.

“Ons wil dus die gemeenskap vra om skenkings by ons stalletjie te kom maak, sodat ons vir die diere kan sorg,” het Kiara gesê.

Hulle sal van 08:00 tot 15:00 daar wees.