Vroeë Kersfees vir organisasie se kinders
Save a Child het Kersfees vroeg gevier deur geskenke aan hul begunstigdes te gee.
Save a Child is ‘n landswye nie-winsgewende organisasie wat doeke verskaf en versorging bied aan kinders met serebraal gestremdheid.
Op 2 November het dié organisasie hul toewyding gewys met hul jaarlikse Kersete.
Boet Jonk, voorsitter van Save a Child, het gesê hulle doen dit jaarliks, waar hul personeel geskenke vir die begunstigdes en skenkers van die organisasie insamel.
“Ons het ook ’n Kersete gehad met die geleentheid om dankie te sê aan almal wat by ons betrokke is,” het Boet gesê.
Die Krugersdorp News het die dag bygewoon wat in Muldersdrift plaasgevind het, waar almal uiters opgewonde was, en waar Kersvader ‘n opwagting gemaak het om die geskenke uit te deel.
Indien enige inwoner ’n skenking aan Save a Child wil maak, kontak hul kantoor by 011 953 1302.
