Die atletiekseisoen duur voort en hoërskoolkompetisies raak al hoe meer uitdagend. Atlete se uithouvermoë word deeglik getoets en sommige deelnemers val reeds uit.

Op 18 Februarie het Hoërskool Noordheuwel die D2-kampioenskappe aangebied. Volgens die skool se atletiekorganiseerder, Neville Delport, het al die skole in die distrik deelgeneem, insluitend dié so ver as Carletonville en Fochville.

“Dit is die Gauteng-Wes-kampioenskappe wat bepaal watter atlete die distrik by die Gauteng-skolekampioenskappe gaan verteenwoordig,” het hy verduidelik. Hy het bygevoeg dat die hoogtepunt vir hom was om al die talentvolle atlete in die distrik in aksie te sien.

Lees hier: ‘Surf’s Up’ by Noordskool: Arri se verjaarsdag bring golwe van skooltrots

Die Krugersdorp News sal die uitslae publiseer sodra dit beskikbaar is – hou dus dié ruimte dop.