Dapper Kennies wen 2 uit 5 teen Grey Kollege
Laerskool Kenmare het Grey Kollege op 10 Maart op hul tuisveld ontvang, waar jong spelers hul staal teen een van die land se top-rugbyskole getoets het.
Grey Kollege van Bloemfontein word as een van die top-rugbyskole in die land beskou en het onlangs weer teen Laerskool Kenmare kragte gemeet.
Die wedstryde het op 10 Maart op Kennies se rugbyveld plaasgevind en volgens Peter du Toit, hoof van sport, kultuur en bemarking by Kennies, speel die skole al 11 jaar teen mekaar.
“Ons en Grey Kollege het al 17 jaar ’n verhouding, en in dié tyd het ons meer as 20 keer teen mekaar gespeel – beurtelings by hulle en by ons. Ons het hulle ook al verskeie kere geklop, selfs weg van die huis af,” het Peter in 2023 aan die Krugersdorp News gesê.
Die uitslae van die dag is soos volg:
• o9A verloor 15–0
• o10A wen 40–5
• o11A verloor 50–14
• o13B wen 12–5
• o13A verloor 40–10
“Dit is ’n hoogtepunt om teen die beste in die land te kan deelneem. Ons is opgewonde oor die seisoen en sien uit daarna om deur rugby ’n verskil in seuns se lewens te maak,” het hy afgesluit.
Lees ook: Curamus School fundraiser promotes inclusion while raising funds
