Dankie aan feesorganiseerders

Op Sondagmiddag 27 Oktober het ‘n groot groep mense die Reformasie-fees by die bekende Klipkerk in Krugersdorp gevier.

Ongeveer 500 jaar gelede het Martin Luther die wêreld verander deur sy 95 stellinge teen die kerkdeur in Wittenberg vas te spyker. Dit het verreikende, positiewe, sosiologiese en ekonomiese gevolge gehad vir die Protestantse Noord-Europa en later ook vir die res van die wêreld.

Vir sommiges is hierdie belangrike geskiedenis moontlik lankal vergete en vir ander is dit onbelangrik of onbekend. Nogtans was dit ‘n vreugdevolle middag met ‘n Reformasie-orkes, -kooruitvoering en Psalmsang. Baie dankie aan die organiseerders vir die puik program.