BRIEF: Inwoner spreek gemeenskap toe met Kersboodskap
’n Jaar vol liefde, leed en dankbaarheid – Johan Pottas se hartroerende boodskap aan die gemeenskap.
• Inwoner Johan Pottas deel sy Kersfeesboodskap met die gemeenskap:
Liewe gemeenskap van Krugersdorp. Nog ‘n jaar kom tot ‘n einde. Sommige van ons het liefde of leed ondervind die jaar. Dalk nog ‘n Kersfees alleen of die eerste Kersfees alleen. Ons vier God se geboortedag. Nie net ‘n dag vir geskenke nie, maar om die Hemelskind te vier.
Vanaf Royal Family Kids Camp Mogale (RFKCM) NPO se direkteur en al die personeel, wil ons dankie sê vir almal wat ‘n bydra gemaak het tot RFKCM die jaar. Groot dank aan almal betrokke vir die wol, brei, toewerk en stop van beertjies. Die kinders gaan baie daarvan hou. Geseënde Kersfees en voorspoedige 2026 aan almal.
Vanaf myself en my moeder, baie dankie vir nog ‘n jaar wat ons kinders se lewe beter kon gemaak het dit word opreg waardeer. Mag elkeen ‘n baie Geseënde Kersfees en voorspoedige 2026 hê. Mag elkeen van u vreugde, vrede, liefde en hoop ontvang en mag die jaar 2026 net geluk inhou. Soli Deo Gloria in excelsis.
