Vroue geniet ‘n rolbaldag net vir hulle

Talle vroue van regoor die Wesrand het bymekaargekom om deel te neem aan die Randfontein Rolbalklub se jaarlikse Ladies Day wat op Woensdag, 19 April plaasgevind het.

Lees ook: Onnies sê mekaar die stryd aan op die rolbalbaan

President van die klub, Vera Pretorius het vertel dat daar 80 vroue van Krugersdorp, Noordheuwel, Discovery en selfs so ver as Randburg die dag bygewoon het.

Lees ook: Onnies neem aan rolballiga deel

“Die jaarlikse Ladies Day word gehou om fondse in te samel vir die klub, om ons bane te onderhou en ook ons klub te onderhou want dit is die enigste inkomste wat ons het.”

Vera het verduidelik dat Lenmed Randfontein Privaat Hospitaal ‘n groot gedeelte van die dag geborg het, hulle het vir al die vroue wat gespeel het griepinspuitings gegee, papsmere aangebied en bloeddruk- en cholesteroltoetse gratis aagebied.

Na ‘n heerlike ontbyt het die vroue 18 koppe gespeel en was later bederf met ‘n lekker middagete waar almal saam kon gesels en opvang.

Daar was ook gelukkige trekkings gewees en ‘n kontantprys vir die beste speler van die dag.

“Dit was net ‘n klomp vrouens wat bymekaar gekom het om die dag te geniet.”