Anton Booyens, ‘n negejarige en graad 3-leerder van Ambulanté Academy, het ‘n blink toekoms in judo nadat hy goud ingepalm het tydens die Champion of Champions-kompetisie wat by Wits gehou is.
Hy het ook sy Gauteng-kleure verwerf en boonop gekwalifiseer om die 2024 SA Skolespan te verteenwoordig tydens die nasionale kampioenskappe in Bloemfontein in Junie.
Anton doen judo al vir drie jaar en het gedurende 2022 en 2023 ook aan SA’s deelgeneem.
“Ek hou baie van judo en oefen baie hard,” het Anton afgesluit.