Van Noordheuwel na nasionale roem: Nadine maak golwe in SA-netbal

Hoërskool Noordheuwel graad 10-leerder Nadine van Hoogdalem, het naam gemaak nadat sy opgeneem is in die SA o.16-netbalspan.

Nories se netbalorganiseerder en eerste span-afrigter, Karen Els, sê Nadine het eers beïndruk in die Gauteng-span tydens die provinsiale week.

Sy is toe kort daarna na die Suid-Afrikaanse proewe genooi en op 2 Julie amptelik vir die o.16-span gekies.

“Sy gaan dus in aksie wees van 25 tot 30 Augustus in Eswatini [voorheen bekend as Swaziland]. Dit is ‘n ongelooflike prestasie aangesien slegs 12 spelers van regoor Suid-Afrika gekies word. As gevolg van haar prestasie is Nadine Nories se tweede SA netbalspeelster,” het Karen trots afgesluit.