Cross Connect Community Outreach (CCCO) het weer die gholfliefhebbende gemeenskap gelok met hul jaarlikse gholfdag.

Hierdie byeenkoms het op 18 November by die Krugersdorp Gholfbaan plaasgevind, en volgens hul direkteur, Nicole Tolman, streef hulle daarna om dit as ’n hoogtepunt op hul kalender te vestig.

Die dag was daarop gemik om fondse in te samel ten bate van die kinders, en Nicole het genoem dat 88 spelers hul harte en goeie gesindheid oopgemaak het om die organisasie te ondersteun.

“Om ‘n huis van 30 kinders te bestuur, bring enorme maandelikse uitgawes mee. Fondsinsamelings soos hierdie maak die daaglikse funksionering moontlik – van kos en terapeute tot mediese kostes,” het sy verduidelik.

Die spelers was van vroegoggend af op die gholfbaan, waar hulle hartlik verwelkom is. Nicole beskryf die gees onder die spanne as elektries. “Die dag het tot groot mededinging gelei! Die lang dag op die baan is afgesluit met ’n aandete, ’n veiling, die uitdeel van lootjiepryse en die aankondiging van die beste spelers.”

Sy het die top drie spelers soos volg uitgelig:

• Eerste plek: Stef Koch
• Tweede plek: Joey Warby
• Derde plek: Franco van der Westhuizen

“Ons is reeds besig om ons volgende gholfdag vir volgende jaar te beplan. Die gemeenskap word uitgenooi om ons sosiale media te volg en die datum te reserveer. Ons spreek ook ons opregte dank uit teenoor elke maatskappy en individu wat bygedra het om hierdie dag ’n sukses te maak,” het sy afgesluit.

Indien jy ’n bydrae tot CCCO wil maak, kontak vir Nicole by 074 171 3736.