OPVOLG: Herwinning van trok onmoontlik
Die Georges valley pad was ongeveer vier-ure gesluit Dinsdagoggend toe daar gepoog is om die trok na Maandag se ongeluk te herwin.
Die trok wat 48 000 toiletpapierrolle vervoer het, ter waarde van duisende rande, is berg-af op ‘n gedeelte van die pad wat bekend is vir trok-ongelukke.
Ongeveer 22km uit die dorp uit.
Na die eerste trok berg-af is en nooddienste besig was om te help, het ‘n tweede trok se remme glo meegegee en dit het ‘n ketting-botsing veroorsaak.
Niemand is beseer in die tweede botsing nie.
San Souci insleep-dienste was Dinsdagoggend eerste op die toneel waar hulle die wrak van die trok moes herwin, maar dit het later geblyk om ‘n onbegonne taak te wees.
Die trok het ongeveer 140 meter berg-af geval.
Die vrag het losgekom en nog ongeveer 10 meter van die trok gelê.
Niklaas Mulder wat al 23 jaar vir San Souci in Louis Trichardt werk sê dat dit die “kampioen” van pas-ongelukke was en as hulle die trok en vrag sou kon herwin kan hulle enigiets reg kry.
Die versekerings-assesors van die die trok en die vrag het onderskeidelik besluit dat dit ‘n onmoontlike taak is.
Omrede die trok uitgebrand het, het hulle laat blyk dat dit onskadelik vir die omgewing is.
Daar is besluit om die trok nie uit te sleep nie nadat dit met die grondeienaar ooreengekom is,wat aan die Magoba gemeenskap-trust behoort.
