Modjadjiskloof: Gesin in nood na vlammehel huis verwoes
Die gemeenskap se hulp word gevra vir die Denheldleroy gesin.
Die Denheldleroy gesin van Duiwelskloof se huis is Vrydag, 19 Januarie in ‘n brand verwoes.
“Angelique was saam met haar dogter Alicia by Laerskool Duiwelskloof se atletiek-byeenkoms. Alicia het rook in die lug gesien en vir haar ma gesê hulle huis brand. Angelique se man, Rudie het haar kort daarna geskakel en vertel dat hulle huis brand. Die rook en vlamme was so erg dat sy niks kon doen of enige iets kon red uit die huis nie. Die brandweer het lank gespook om die vuur te blus. Hulle het alles verloor, hulle het letterlik net die klere aan hulle lywe oor. Die kinders se skool tasse, boeke en skool klere is ook alles tot nuut,” het Lientjie Marx aan Letaba Herald vertel.
Lees: TZANEEN: Hotel verwoes in vlammehel
Die gemeenskap se hulp word dringend gevra om die gesin by te staan met skenkings.
“Enige hulp en goedere sal waardeer word,” is Marx se pleidooi.
Afleweringspunte: Laerskool Duiwelskloof Skoolsaal, Lowveld PPE Solutions & Creative Embroidery 28 Pompagalana Tzaneen.
Vir enige navrae skakel: 083 273 2381.
Lees: Fire will not stop the ‘heartbeat of Letsitele’
