Oud-springbokspeler, Wells Payne, het Saterdag gesorg vir ‘n verrasssing in die uitslae deur op ouderdom 80 die kompetisie uit te stof en deur te dring na die mansfinale. In die mansfinale het Theo Wolmarans, wat as beginner nog net vyf maande rolbal speel, die kompetisie gewen met Stoffel Vermaak wat tweedeplek losgespeel het.

In die damesafdeling het Sue Morrison weggestap met die eersteplek en Elsje Beyer neem die tweedeplek op die ranglys. Sarie Vermaak,
woordvoerder vir die klub, vertel dat hulle juig oor die groei in lede die afgelope paar maande. Die klub se ledetal het van 23 to 43 spelers
geklim. Die klub het afrigters wat beskikbaar is om nuwe spelers te leer hoe om dié spel te bemeester.

Also read: Muxe na Bolo signs with Black Leopards

Die klub bedank graag die volgende persone: Sarie, Ina en die personeel by die klub, Ben, William, Jovani en Marie wat gemerk het, die ondersteuners wat die spelers geïnspireer het, Koos en Jovani wat gesorg het vir die baan se puik kondisie, die spelers vir rekordinskrywings, en die lede wat sorg dat Tzaneen Rolbalklub se naam hoog gehou word. Skakel Sarie Vermaak op 083 456 3466 vir meer inligting oor die klub of om lid te word.