Die Hoedspruit Diepsee Hengelklub bied op 9 en 10 Februarie hulle gewilde Swerwers-hengelkompetisie op dié dam aan. Die multispesiekompetisie is oop vir alle ouderdomme en fokus veral op die jeug en poog om hengel as ‘n sport te bevorder. Daar is oudergewoonte groot pryse op die spel, ‘n biertent, kindervermaak en ‘n kunstenaar sal optree by die prysuitdelingsfunksie.

Kaartjies is by Abdool se Winkel, Build It en Totalvulstasie op Hoedspruit beskikbaar. Skakel Johann Meintjies op 071 676 3047 of Matts Blom op 079 829 2139 vir meer besonderhede. Van 8 tot 10 Maart kan hengelaars ook vir drie dae lyn in die Klaseriedam natmaak vir ‘n goeie doel.

Lees ook: So vat mense hande in Hoedspruit teen misdaad

Dié hengelkompetisie teiken karp-, baars- en baberspesies en word ten bate van Scales Pangolin Conservation Fund en Hoedspruit Paws aangebied. Spaar op inskryffooie deur aanlyn op www.scales.org. za/events voor 1 Maart te registreer. Hengelaars kan die hele naweek of slegs op die Saterdag deelneem.

Hekfooie is nie ingesluit by die kompetisie se inskryffooie nie. Die kompetisie skop om 15:00 op Vrydag, 8 Maart af en die prysuitdeling sal op Sondag, 10 Maart van 11:00 tot 12:00 plaasvind.  Pryse vir die grootste baars, grootste karp, grootste baber en die meeste vis sal vir volwassenes en kinders op die spel wees. Skakel Amy Aucamp-Clark op 078 993 5678.