Groenskool se netbalspanne skitter in Limpopo se liga-uitkloprondes
Twee netbalspanne van Laerskool Phalaborwa-Suid het goed gevaar om in kwart- en halfeindstryde van die Limpopo-skoleliga deel te neem.
Die o/13A-span het in poelwedstryde teen Laerskool Marble Hall gelykop gespeel, 6-6. Hulle wen 7-6 teen Laerskool Pietersburg-Suid en wen 15-2 teen Laerskool Njuna Sindane.
Hulle speel teen Laerskool Tshifudu en wen die wedstryd 16-1 en wen ook 6-10 teen Laerskool Lephalale. In die uitspeelrondes speel Groenskool teen Laerskool Thabazimbi in die kwarteindstryd en dring hulle deur na die halfeindstryd na hulle 7-5 wen.
Lees ook: Lowveld Academy Primary hosts a very successful sports day
In die halfeindstryd verloor die o/1A’s teen Laerskool Tzaneen, met 7-15 as eindtelling. Hulle speel uit vir derde en vierde plek teen Laerskool Marble Hall en wen die wedstryd 5-3 om derde in Limpopo te eindig. Die o/12A’s het in die uitspeelrondes teen Laerskool Chuchekani gespeel en wen 16-8.
Hulle wen 14-3 teen Laerskool Kruger en verloor 6-10 teen Laerskool Louis Trichardt. Hulle wen 14-6 teen Laerskool Matsitsi en wen 13-5 teen Laerskool Tshikiwani. In die uitspele verloor die o/12A’s teen Laerskool Tzaneen, 8-13, in die kwarteindstryd.
