Reuse oorwinning vir Vossies se eerste krieketspan

Die Vossies het eerste gekolf en 430/8 in hulle 50 boulbeurte aangeteken. Vernon Harms het die meeste lopies vir die Vossies, 125 lopies van 122 balle, aangeteken.

Die ander uitblinker-kolwers was Atwell Mokgoloboto, met 114 lopies van 66 balle, en Roehan Steenkamp, met 45 lopies van 33 balle.

Lees ook: Vossies bied krieket-toernooi aan

Die Vossies se boulers het hulle weer eens uitstekend van hulle taak gekwyt en het slegs 21 boulbeurte benodig om al Piet Potgieter se kolwers, met 76 lopies op die telbord, pawiljoen toe te stuur.

Atwell Mokgoloboto is aangewys as die speler van die wedstryd. Hy het nie net uitstekend gekolf nie, maar het ook ses paaltjies vir slegs 16 lopies in sy ses boulbeurte laat kantel.