Me. Joan Davidson, van Nasaret, was in ‘n konvooi op pad na Badplaas vir die dag, toe die motor waarin sy gery het, se agterband gebars, en dit gerol het.

Twee van haar vriendinne, Charlotte Wallace en Deidre Finyeth, ook van Nasaret, was saam in die motor tydens die ongeluk.

Beide word steeds in Carolina Hospitaal behandel, na hul opname daar Sondag omstreeks 06:00.

Vriende wat agter die motor gery het, het gemerk dat daar iets met die band fout is, voordat die kar skielik begin rol het.

Me. Davidson en haar vriendinne was in een van vyf motors, waarvan al die insittendes die dag by Badplaas saam sou geniet het.

Die geselskap het kort na die ongeluk omgedraai, en hul kuier by Badplaas onder die tragiese omstandighede afgelas.

Sy laat haar twee kinders en man, Clint, agter.

Begrafnisreëlings was teen druktyd nog nie getref nie, en die familie wou ook nie ‘n foto vir publikasie verskaf nie.