Me. Yolanda Eloff was vanoggend al 06:00 by die Steve Biko Hospitaal sodat haar man, Baksteen, vir toetse kan gaan. Hy was die afgelope paar weke in die Middelburg Hospitaal waar hy aanvanklik vir hartversaking behandel is.

Me. Eloff moes hom na die Steve Biko Hospitaal neem vir ’n toets waar beenmurg getrek word.

Toe sy gister verneem van die stakings en gevaar in Pretoria, was sy baie bekommerd. “Hopenlik gaan dit beter teen more. Ons moét net gaan!” het sy vriende per WhatsApp laat weet.

Hulle het vroegoggend gery en almal laat weet dat hulle geen probleme op die pad ondervind het nie. “Alles is nog rustig,” het sy kort na 09:00 gesê.

• Chaos het Dinsdag uitgebreek in Pretoria na die aanwys van die burgemeesterskandidaat.

Groot gedeeltes van Pretoria se sentrale sakegebied, asook hoofweë is ontwrig toe die prostesaksie gewelddadig geraak en onder meer voertuie aan die brand gesteek en ’n voetgangerbrug afgebreek is.

Daar is deurentyd noodberigte uitgestuur dat mense sekere areas moet vermy.

Lees stories hieroor:

Armed mob attacks Malema in Thembisa

Video: Daylight dawns on a undivided Tshwane