Die dorp se skoonhede en fikstes onder die fikses, loop die loopplanke aan die brand.

Nie net is Lene van den Berg een van die wêreld se gesogste modelle nie, maar plaaslike meisies presteer in liggaamsbou kompetisies. Lene verskyn op een na die ander internasionale en plaaslike tydskrif se voorblad.

Die jongste presteerder is die mooie jong prokureur, Melanie Jacobs, wat derde was tydens die Internasionale Federasie vir Liggaamsbou se Suid-Afrikaanse Kampioenskappe.

Die fiksheidsgogga het haar so beetgepak, dat sy beplan om die swart prokureurs toga vir die ligte oefenklere van ’n persoonlike afrigter te verruil.

Nog ’n fanatiese liggaamsbouer is Karien van der Wal wat tydens die Arnold Schwarzenegger kompetisie in Johannesburg presteer het.

Dan is die jong Julene de Kock self besig om die fikses te laat les opsê en spog ook met ’n derde plek tydens ’n liggaamsbou kompetisie.