“Die Stripshow” is ’n skreeusnaakse eenman vertoning waarin Timothy Kieswetter stereotipes rondom liefde, seks en die getroude lewe uitdaag. Die vertoning moedig gesonde en produktiewe kommunikasie tussen paartjies aan, alles terwyl Kieswetter in sy kenmerkende ‘kinky pink’ hakke en visnet sykouse rond parradeer.

Die vertoning vind sedert 2014 vol stampvol gehore regoor die land plaas en is defnitief iets wat jy maar op jou 2017 vermaakkallender kan inteken.

Veneshrie Chetty, bemarkingsbestuurder by Graceland Hotel, Casino and Country Club sê “Die Stripshow is een van daai vertonings wat jy vir lank nie sal vergeet nie. Paartjies gaan virseker wyser huistoe, om nie te praat van seer maagspiere van al die lag nie.”

Kaartjies vir “Die Stripshow” kan by Computicket asook by die Winners Circle toonbank by Graceland bekom word vir net R120. Winners Circle lede sal kaartjies kan koop teen afslagpryse (maksimum vier per lid).

Daar sal ’n kontantkroeg beskikbaar wees vir drankies en verversings. Die vertoning is net vir mense 18 jaar en ouer. Die vertoning vind Saterdag 29 Julie om 19:00 by die Graceland Arena plaas.

Vir meer inligting bel die Graceland bemarkingsafdeling by 017 620 1102 of besoek hul webblad www.graceland.co.za.

• Om kaartjies te wen, SMS die kodewoord ‘Strip’ na 33658. (Sms kos R1.50. Gratis sms’e nie geldig nie.)