Soretha Oosthuizen sê dat sy die polisie gebel het omdat dit die enigste nommer was wat sy byderhand gehad het.

Die polisie het weer die hulp van die herpetologiese vereniging ingeroep. Jeanne Houy het die likkewaan kom vang.

Die reptiel het sy stert woedend heen en weer geswaai totdat mnr. Houy hom daaraan kon gryp. Die dier het daarna nog ’n groter geveg opgesit en mnr. Houy aan die vinger beet gekry.

Met die hulp van ’n bystander, is die waterlikkewaan, wat byna ’n meter en ’n half lank is, veilig in ’n sak gesit om weer langs die Keeromspruit losgelaat te word.

Mnr. Houy het gesê dat alhoewel likkewane nie lewensgevaar vir mense inhou nie, hulle wel instaat is om klein hondjies met hul sterte dood te slaan.