VIDEO: HTS sê ‘n hartseer totsiens vir begaafde ‘blougat’ wat in bustragedie sterf
Daar is vanoggend op ’n hartroerende gedenkdiens afskeid geneem van die 13-jarige Graad 8 HTS Middelburg leerling Gideon Miller wat Sondag oorlede is in die bustragedie duskant Laersdrift.
Talle Hoërskool Middelburg leerlinge het ook die diens in hul skooldrag bygewoon en is warm deur die Rooies verwelkom waar Gideon net drie dae in die skool was.
Hy is Sondag omstreeks 16:00 oorlede nadat die bus waarin hy en 13 ander koshuisgangers van beide HTS en Hoërskool Middelburg op pad na Middelburg van Steelpoort onderweg was, omgeslaan en Gideon onder die bus vasgepen was.
Lees ook: Tienerseun wat oorlede is in Sondag bustragedie geïdentifiseer
Gideon se broer, Fanie, het verlede jaar aan HTS gematrikuleer waar Gideon by huis Douw Smit in sy ouboet se voetspore sou volg.
Ds. Hardus van Niekerk het in sy treffende preek almal herinner dat Jesus die dood oorwin het en daardeur vir Gideon ’n nuwe lewe verseker maar saam met ons wat agterbly treur oor die geweldige verlies van die begaafde seun wat verlede jaar hoofseun en Dux leerling was by Steelpoort Akademie.
• In vandag se uitgawe van die Middelburg Observer word daar hulde gebring aan die seun wat almal om hom se lewens vir 13 jaar verryk het.
Lees ook:
Video: Opruimingswerk begin na drie damwalle breek weens wolkbreuk
Annica van Staden slagoffers verloor duisende
VIDEO: Seekoei kuier op Elandslaagte
Soek jy nuus op ’n drafstap?
Stoor ons bystand nommer (072 248 3855) en stuur ons ‘n Whatsapp boodskap met die woorde “Add me” om deel te word van ons uitsaailys.
“Like” ons op Facebook, of volg ons op Twitter en Instagram.
Volg ons YouTube kanaal.
Kliek op die skakel om te registreer om ons nuusbrief met die jongste nuus per e-pos te kry
Het julle vir ons ’n storie?
Kontak die redaksie op ons 24 uur bystandnommer 072 248 3855, of stuur ‘n e-pos aan ons redakteur tobie@mobserver.co.za
