News
Trane en gebede op plaas waar daar vir Willem en sy familie gebid word
Emosies loop die hele tyd oor op die plaas waar daar gebid word vir 'n wonderwerk dat Willem Kruger veilig gevind word en ook vir krag vir sy familie.
Die gebedsgeleentheid word gehou op Willem se pa se plaas, Tian Kruger Boerdery, buite Groblersdal.
Me. Nicolette Pretorius is ook daar en sy, soos al die inwoners van Groblersdal en Marble Hall, het saam gaan bid.
“Almal druk mekaar en die trane loop. Ons kan net glo en bid.”
Die verrigtinge het om 18:30 begin en was daar steeds voertuie wat opgedaag het.
Die organiseerders van die geleentheid het gesê hulle “wil lewe spreek en bid vir ‘n wonderwerk.”
‘n Groot groep plaaswerkers is ook daar en bid saam met die gemeenskap.
Soos die groep mense aangegroei het, het almal mekaar se kerse begin aansteek.
Ds. Julian Olivier lei die spesiale geleentheid in gebed, wat gevolg kan word op die Facebookblad van “Ons soek Willem Kruger.”
At Caxton, we employ humans to generate daily fresh news, not AI intervention. Happy reading!
Stay in the know. Download the Caxton Local News Network App here.
