Jan Vermaak (42) is Vrydag tydens ’n oefensessie op die R104 Balmoralpad vermoedelik deur ’n motor getref.

’n Plaaslike fietsryer, wat versoek het om anoniem te bly, sê dat Vermaak se gesin ’n beroep op almal gedoen het om hulle privaatheid te respekteer.

Verskeie foto’s van die ongeluk is op sosiale media gedeel, wat Vermaak se vrou geweldig getraumatiseer het.

“Baie lede van ons gemeenskap het deur die foto’s van sy dood bewus geword en toe versoek dat dit verwyder word!”

• Mnr. Vermaak, wat bekend was onder eMalahleni se fietsryers het na Bronkhorstspruit verhuis met sy gesin, voor die ongeluk plaasgevind het.
Hy word oorleef deur sy vrou en twee jong kinders.

Daar sal Saterdag om 11:00 vanuit die NG Witbank, Suidgemeente, vir hom gedenkdiens gehou word.

Mnr. Vermaak se naasbestaandes kon nie bereik word nie.

•Lede van die Middelburg Fietsryklub het hulle dankbaarheid na die ongeluk uitgespreek oor die kennisgewingborde wat op hoofroetes in die omgewing opgesit is en motoriste versoek om versigtig te bestuur en fietsryers in die oopbaan te respekteer.