Die weggooi van babas raak ’n al hoe groter probleem in die omgewing.
Vanoggend is ’n baba in ’n emmer langs die R555 (net na die treinbrug) gevind. Die baba was reeds dood.
• Gedurende April is die lewelose liggaampie van ’n kleuter seuntjie in ’n oop stuk veld in Celsiusstraat gevind. Hy was toegedraai in ‘n swart plastieksak, met slegs ’n bruin broek en ’n pienk T-hemp.
In Meimand is ’n babaseuntjie agter die Sasol vulstasie naby Doornkop gevind. Die kind was ook reeds dood.
• Desperate ma’s wat nie hul babas wil hou nie, word versoek om hulle in die babakluis by die St John’s Presbiteriaanse Kerk in Bhimy Damanestraat af te laai. Die identiteit van die persoon wat die baba aflaai, word sodoende anoniem gehou.
