Nie eers ’n ondersoek deur die bekende advokaat Gerrie Nel en sy span van die Afriforum Privaatvervolgingseenheid en hul bevindings daarna het enige verskil gemaak aan mense se “soeke na die waarheid nie.”

Die privaatvervolgingseenheid het in hul ondersoek na die omstandighede van Willem se dood bevind dat hulle met die bewyse tot hul beskikking geen gemene spel kon vind nie.
Hulle het op 12 April met die Kruger-familie in Pretoria vergader om hul bevindings bekend te maak.

Hierdie week is daar op sosiale media geadverteer dat ’n gebedsbyeenkoms vir Willem gehou gaan word.

Op die “Geregtigheid vir Willem”-Facebookgroep sê die uitnodiging:

“Bid vir Willem Kruger-saak.

Hiermee ’n vriendelike uitnodiging na die gebedsbyeenkoms van Willem Kruger op 16 Junie.
Die geleentheid sal gebruik word om te bid vir antwoorde, waarheid, geregtigheid en berusting.

Indien jy nie in persoon die geleentheid kan bywoon nie, moedig ek jou aan om steeds saam te bid en deel te neem aan die byeenkoms.

Boekmerk die datum:

Bid vir Willem Kruger – saak

Datum 16 Junie 2023

Tyd: 18:00 vir 18:30

Plek: Boer Kombuis, Kimiad, Moreleta Park, Pretoria, 044.”

• Die Back2Basics musiekgroep se Facebookblad het mense ook gevra om die gebedsbyeenkoms by te woon met verskeie foto’s van Willem met besondere gebede daarby.
Die uitnodiging en plek waar dit gehou word, is ook met foto’s aangedui.

• Marinda van der Walt skryf op haar Facebookblad: “’n Ramparty wat so skeef geloop het en baie vrae en hartseer nagelaat het. Mag die antwoorde spoedig kom, sodat nie net Willem se geliefdes nie, maar ook sy vriende en hulle families berusting kan vind. #willemkruger”

• Willem het op 13 November 2022 verdwyn, nadat hy ’n rampartytjie van Ghini Greyling by die Henbase Lodge naby Morgenzon, bygewoon het. Nege dae later (22 November) is sy liggaam in sy bakkie in die Vaalrivier gevind.