Polisie sê “nee” vir heraanstelling van berugte kaptein
Die berugte voormalige polisie kaptein, Awie Geldenhuys, gaan nie nou terug polisie toe nie.
Hy het sy arbitrasiesaak teen die polisie gewen en die kommissaris wat die uitspraak gelewer het, het gesê dat hy voor of op 15 November sy pligte as kaptein in die polisie kan hervat.
Talle bronne het destyds die Middelburg Observer in kennis gestel dat hy die saak gewen het en ook vergoed sal word vir die tyd wat hy afgedank was.
Volgens inligting, het die polisie die kommissaris se beslissing op hersiening geneem na die arbeids appélhof toe, waar die appélhof dan ’n besluit moet neem of die kommissaris se beslissing reg was.
• Die afdanking het gevolg na bewerings wat Tarryn Meiklejohn gemaak het oor ’n voorval in Maart 2019 nadat Geldenhuys haar klaarblyklik ’n geleetheid huis toe gegee het.
Me. Meiklejohn het klagtes van poging tot verkragting en aanranding met die opset om ernstig te beseer teen kapt. Geldenhuys, toe nog ’n lid van die Witbank Polisie, aanhangig gemaak.
Sy het destyds vir ’n joernalis gesê dat hy aanvanklik “baie vriendelik was, maar die volgende oomblik in ’n monster verander het.”
Maryka Kleinhans het op 27 Januarie 2019 in Kranspoort gesterf nadat sy saam met kaptein Geldenhuys gery het.
Die Onafhanklike Polisie Ondersoek Direktoraat het die saak ondersoek en daar is bevind dat kapt. Geldenhuys nie skuld dra rakende haar dood nie.
• Daar was deur die jare talle bewerings teen kapt. Geldenhuys gemaak en hy het tydens ’n vorige oproep gesê dat hy nie kommentaar wil lewer oor enige bewerings nie.
Lees ook:
