“Help asseblief!” – Rivierstraat erf weer onder water na reën
Die Van Aswegens van Rivierstraat “verdrink” elke keer as dit reën.
Middelburg Observer het in November vanjaar berig oor die gesin wie se erf met elke reënbui ’n dam word.
Verstopte stormwaterdreine is die groot kopseer, en met die onlangse installasie van PVC pype by die Van Aswegens se huis, waartydens die munisipaliteit ’n betonblad oor die gat gegiet het, oorstroom hulle erf sodra dit reën.
Die familie het al veskeie maal gekla maar die munisipaliteit vee hom aan die klagtes af.
Gate is al in die mure ingeslaan om met dreinering te help, maar die water dam so op dat Tom en Yvonne van Aswegen se dogter Adri, wat saam met haar kinders in ’n woonstel by haar ouerhuis bly, se woonstel oorstroom.
Lees ook:
Rivierstraat erf word dam na Woensdagmiddag wolkbreek
Die Van Aswegens se seun Jaco bly langs hulle, en die munisipaliteit moes selfs al slote in sy erf grawe om die stormwater op te vang sodat sy huis nie oorstroom nie.
Gemors dryf ook natuurlik op die oppervlak van riviere wat in Rivierstraat afstroom weens verstopte stromwaterdreine, en mnr. Van Aswegen moet elke keer loop en skoonmaak na die tyd, en van koeldrankblikkies tot gebruikte kondome optel.
Die munisipale kommunikasiehoof Lerato Kgomo is by ’n Salga-konferensie in Durban en kon nie op navrae reageer nie.
’n Boodskap oor die probleem is intussen na munisipale bestuurder mnr. Mandla Mnguni gestuur, om die Van Aswegens van diens te wees met die probleem.
“Ons kla nie onnodig nie, as daar ’n oplossing gevind kan word, is daar nie ’n probleem nie,” sê mnr. Van Aswegen.
@middelburgobserver The impact of yesterday’s rain on Rivier Street #rain #weather #flood #flooding #middelburg
@middelburgobserver More footage showing the damage from yesterday’s rain on Rivier Street #rain #storm #weather #flood #flooding #dog #wetdog
