Drie maande hulp vir bejaarde met dimensie, maar daarna dalk weer strate toe
Oom Rodney Waters (73), wat op straat was omdat hy geen ander heenkome het nie, kan sover vir drie maande gehelp word.
Hy het dimense en is twee maande gelede met ’n bedelbriefie deur sy familie strate toe gestuur omdat hy na bewering hul erf aan die brand gesteek en duisende rande se skade gely het.
Eerwaarde Kokkie Smit het saam met die SAVF Maatskaplike Dienste al álles probeer om fondse in te samel sodat oom Rodney hulp kan kry.
Daar is wel ’n tehuis wat hom nou ingeneem het, maar dit beloop R2 000 per maand en hulle het tot nou toe nog net genoeg geld ingesamel sodat hy tot einde Februarie daar kan bly.
As die geld nie bymekaar gekry kan word nie, sal oom Waters dalk weer terug strate toe moet gaan, want hy kry net ’n staatspensioen.
Eerw. Smit sê nadat ’n berig op die Middelburg Observer webtuiste verskyn het, het een persoon R50 en ’n ander een R500 per maand beloof.
“Ons moet R2 000 per maand inkry, sodat hy voltyds versorg kan word,” het eerw. Smit gepleit.
As ’n paar gesinne of sakelui elkeen R50 of R100 per maand kan bybring, sal oom Rodney in die tehuis kan aanbly.
• Persone of sakelui wat bydraes wil lewer, kan kan eerw. Smit bel by 082 956 2663.
Lees ook:
