Motorfietsdiewe sak toe by een huis in Kanonkop
Motorfietse en fietse is hoog op die lys van diewe wat gisteraand toegeslaan het by ’n huis in Kanonkop.
Volgens mnr. Anton Heiberg, het die diewe tussen gisteraand en vroeg vanoggend ingebreek, nadat hulle die hek van die spoor afgelig het en die motorhuisdeur oopforseer het.
Die totale skade word op byna R90 000 geraam.
“Daar is op 14 Maart ook ’n poging gewees toe ek vier mans in my motorhuis betrap het, maar ek het hulle afgeskrik. Ek glo dis dieselfde groep wat weer terug gekom het,” het mnr. Heiberg gesê.
Die diewe het sy BMW 650 GS Dakar (blou en grys met registrasie nommer: FVX 206 MP), sy swart Merida Big Nine XT bergfiets met sy eie rekenaartjie daarop en ’n sweismasjien gesteel.
Die motorfiets se waarde is ongeveer R55 000, die fiets R25 000, die rekenaar R850 en die sweismasjien R6 000.
• ’n Inbraak- en diefstalsaak is by die polisie aanhangig gemaak.
