Video: Kyk hoe waterponie en twee sleepwaens in Kanonkop gesteel word
’n Sindikaat is vermoedelik betrokke by die diefstal van ’n waterponie en twee sleepwaens, nadat die wegkomvoertuig deur ’n kamerastelsel in Thembisa opgetel was.
Mnr. André Prinsloo, van Lobeliastraat, Kanonkop, het aan die Middelburg Observer bevestig dat vier verdagtes gisteroggend tussen 02:00 en 04:00 by hom toegeslaan het.
Volgens mnr. Prinsloo se CCTV kameras het drie van die verdagtes die eerste keer toegang tot sy erf gekry nadat hulle die hek oopforseer het.
“Daar was verlede jaar Mei ook by my ingebreek en ’n waterponie gesteel, en ek het juis daarna die veiligheidsmaatreëls verskerp. Ek het ’n hokkie oor my hekmotor laat opsit, maar die diewe kon dit oopbreek en die hek daarna oopstoot,” het mnr Prinsloo verduidelik.
Die drie verdagtes het om 02:15 die waterponie uitgestoot en is daarmee weg. Later het hulle egter teruggekeer om die venter sleepwa ook te steel.
“Hulle het om 03:30 vir die tweede keer teruggekom.”
Na die diefstal, is daar op die Middelburg Dagpatrollie-groep gevra dat mense op die uitkyk moet wees vir die gesteelde goedere.
Volgens Arthur Hill, van Middelburg Dagpatrollie, het hy inligting ontvang deur verskeie ander veiligheidsgroepe dat mnr. Prinsloo se Venterwaentjie deur ’n kamerastelsel in Themisa opgetel is.
“Daar is vir my gesê dat die wit Isuzu bakkie wat as wegkomvoertuig gebruik is, ook gesteel is,” het mnr. Hill gesê.
• Daar is nie beslag gelê op die bakkie of sleepwa in die area waar dit gesien is nie, en enigiemand met meer inligting word steeds gevra om mnr. Prinsloo te kontak by 079 872 3237.
@middelburgobserver Jet ski stolen! A jet ski and a trailer were both stolen as thieves brazenly returned to the same residence twice in one morning. #Middelburg #crime #theft #southafrica #jetski #trailer
