Nadia Nortjé (40), die vrou wat met haar saggeaarde persoonlikheid baie mense se harte aangeraak het, het op 13 Junie, na ‘n moedige stryd van vyf jaar teen kanker, by haar huis gesterf.

Haar man, Riaan, het vertel hoe sy tot die einde toe, selfs toe sy al erge pyn gehad het, nooit negatief was nie.

Sy word oorleef deur Riaan, Mia (wat sy as haar eie dogter grootgemaak het), Katinka (8), ouers Don en Annaphie Scheepers en broer Pieter.

‘n Roudiens om Nadia se lewe te vier, word Donderdag (20 Junie) om 11:00 uit die Presence Church (voorheen Kruisgenerasie VEK) in Meyerstraat  gehou.

• ‘n Huldeblyk oor Nadia se lewe, sal in die Vrydag uitgawe van die Middelburg Observer verskyn.