Video: Hilux tref Isuzu en daarna muur
Vier mense het ligte beserings opgedoen in 'n botsing tussen twee bakkies in Samora Machelstraat.
‘n Muur het in die slag gebly nadat ‘n Hilux bakkie vroeër vanaand met ‘n Isuzu bakkie op die hoek van Samora Machel- en Hoogstraat gebots het.
Alhoewel al die insittendes uit die voertuie geklim het, het een van die passasiers in die Hilux bakkie kort na die ongeluk op die gras gaan lê.
Die Hilux bakkie het die Isuzu bakkie op die bestuurdersdeur getref en het die Isuzu op die sypaadjie te lande gekom.
Albei voertuie se lugsakke het uitgekom.
Die hoek van Samora Machel- en Hoogstraat is ‘n vierrigtingstopstraat.
Die eienaar van die huis waar die muur beskadig is, mnr. Anton Gilfillan (van die Groen Koei restaurant), was onbewus van die ongeluk, aangesien hy by die restaurant was. Hy het eers daarvan verneem toe die joernalis hom laat weet het.
Louwtjie Swart het motoriste op die Traffic Alert-groep laat weet van die ongeluk.
@middelburgobserver Hilux hits Isuzu and then wall on corner of Samora Machel and Hoog Street (Middelburg).
