Gary Roos, die man wat positief verbind word met inbrake by skole en ’n voertuig wat ook by ’n skool gesteel is, het vlugtig in die streekhof verskyn.
Die saak is uitgestel vir afskrifte van die dossier.

Roos staan tereg op ten minste sewe klagtes.
Hy is etlike dae nadat ’n voertuig by Middelburg Primary School gesteel is, gearresteer.

Buiten die kardiefstalklagte, word daar ook die volgende sake by skole ondersoek:

• ’n Inbraak by Hoërskool Kanonkop, waar die skool se kanon onder andere gesteel is.
Daar is gesê dat hy die kanon die volgende dag aan ’n skrootmetaal besigheid wou verkoop.

• Inbraak by ’n klas by Laerskool Dennesig waar ’n skootrekenaar gesteel is. Na die inbraak is Roos op CCTV videomateriaal herken.

• Daar word ook verskeie ander sake van inbraak en diefstal uit ’n motorvoertuig teen hom ondersoek.