Die brand is aangesteek teen die rivier, moontlik deur ’n bosslaper.
Dit het vinnig opversprei na die Rock Solid Remote Control resiesbaan, wat aan die rolbalklub grens.

Die voorsitter van die Rock Solidklub, Louis de Larouviere, sê dat hulle gelukkig skade vrygespring het, nadat die brand vanuit die veld na die klubgronde versprei het.

’n Sekuriteitswag wat hom ook na die toneel gehaas het, het aan Middelburg Observer vertel dat alarm ook by die rolbalklub gemaak is, waarna hy ontbied is om die omvang van die brand te gaan bepaal.

• Die brand volg op gister se brande by Presidentsrus, wat ook deur brandstigting veroorsaak is.

Die plaaslike brandweer was gelukkig op hande om die huise teen die kloofhange te beskerm teen die vlamme.