Buiten oggendverkeer wat besig is om op te tel en slaggate waarvoor uitgekyk moet word, is daar nie enige ernstige probleme aangemeld nie.

‘n Yslike gat het gevorm in die area in Meyerstraat (tussen brug en Meyerstraat) waar daar al ‘n geruime tyd kort-kort aan die pad gewerk word.

Daar word vanaf 09:00 vandag aan die pad gewerk en sal die pad daagliks vanaf vandag (31 Julie) tot 7 Augustus gesluit wees vir herstelwerk aan die pad.

Middelburger Wynand Spenser het laat weet dat hy vroeg vanoggend vanaf Mokopane (Potgietersrus) vertrek het Middelburg toe en nou net deur Groblersdal is. Daar was nie enige insidente of mis op die pad nie.

Inwoners wat gery het op die R555 na eMalahleni (ou Middelburg/Witbankpad) sê daar was nie probleme tot daar nie.

Die N4 by Belfast is ook skoon en oop vir verkeer.

• As jy weet van enige ongelukke, mis, groot slaggate en ander obstruksies op die paaie wat verkeer kan beïnvloed, skakel of stuur vir ons ‘n WhatsApp (met ‘n foto of video, indien moontlik) na 072 248 3855.