Video: Haelstorm op N4 veroorsaak kettingbotsing by Wonderfontein
'n Geweldige haelstorm op die N4 by Wonderfontein het 'n kettingbotsing veroorsaak.
Een persoon is beseer in ‘n kettingbotsing vroeër vanaand op die N4 weens ‘n haelstorm wat die padoppervlak seepglad gemaak het.
Motoriste het van net voor 17:00 af begin waarsku dat daar ‘n haelstorm uitgebreek het sowat 20km buite Belfast tussen die Puma Vulstasie en Sunbury by Wonderfontein.
Die hael het ‘n dik yskombers gevorm op en langs die pad en het voertuie in die ys begin gly.
@middelburgobserver Just before 17:00 today (August 16), a hailstorm hit the N4 outside Belfast between the Puma Garage and Silos at Wonderfontein. The slippery road caused a crash involving a truck and four cars. Fortunately, no serious injuries were reported. The road is still icy, drive with caution!
‘n Kettingbotsing het omstreeks 17:30 plaasgevind waarin ‘n trok en vier voertuie betrokke was.
- TRACN4 het net na 19:00 op noodgroepe laat weet dat hulle nog besig is met opruimingswerk op die toneel en dat die stadige baan nog toe is vir verkeer. Hulle maan motoriste om stadiger te ry in hierdie area, omdat daar steeds ys op die teeroppervlak is.
