Twee mans het op ongelukstonele gister op die N4 gesterf.

Die eerste ongeluk was omstreeks 04:25 naby die Middelburgdam. ‘n Ford Ranger bakkie het ‘n Opel Corsa van agter af getref en het die voertuig in die veld beland. ‘n Passasier het gesterf en vyf insittendes, waaronder die bestuurder van die voertuig, het beserings opgedoen.

Later die middag het ‘n man langs die N4 by Woestalleen gestop om bene te rek. Hy het langs sy voertuig verbygestap en het ‘n trok op presies dieselfde oomblik in hom vasgery. Die man het opslag gesterf nadat die trok hom teen sy voertuig vasgeslinger het.

• Een persoon het beserings opgedoen in ‘n kettingbotsing weens ‘n haelstorm gistermiddag op die N4 by Wonderfontein.