Motoriste wat vanaf die Middelburg Tolhek se rigting na Nelspruit pendel, sal bly wees om te weet dat een baan weer oop is waar ’n trok in die vroeë oggendure gebrand het en opruimingswerk gedoen word.

Die trok het omstreeks 01:30 aan die brand geslaan net na die Vandyksdrif-afrit op die N4. Die trokdrywer kon gelukkig betyds uitspring.

Louwtjie Swart is op die toneel en het laat weet dat een baan reeds oop is en dat hulle net nog besig is om die ander baan skoon te maak. Dié baan behoort ook binnekort heeltemal oop te wees vir verkeer.